Agar aap ke sath bhi yeh 5 cheeze hoti hain to foran mulazmat chorr den!

 


 


Mulazmat ke douran aik mauqa zaroor aisa aata hai jab aap mulazmat chorney ke baray mein sochnay lagtay hain lekin koi faisla nahi kar pa rahai hotay.Is soch ke peechay bohat saari wajohaat hosakti hain, ho sakta hai ke manager naqabil bardasht ho ya phir mulazim ko nokari ya thankhowa ke mamlaat par kuch tay nah pa raha ho.Lekin chand baatein aisi hain jin ke zahir hotay hi aap ko doosri mulazmat talaash krlini chahiye mandarja zail mein mojood 5 baatein kisi bhi mulazim ke liye khamosh ishara hain ke usay company ke sath mazeed safar tay karne se qabal aik baar phir soch lena chahiye.

Aap ka kaam aap ko thakata hai

Agar aap ko yeh lagta hai ke aap ke liye kaam ko waqt par saranjam dena mushkil ho raha hai, manager ki Hadayat musalsal suneney mil rahi hain aur ghanton desk par baithy rehna mayoos kin hota hai, to phir yeh ho sakta hai ke ab aap ki dilchaspi mulazmat ke sath wabasta nahi hai.Mumkin hai ke aap ka dil kahin aur ho. is muamlay mein, jis cheez ke baray mein aap ko shoq hai is ko dhunden aur isi ko apna pesha bhi banayen.  

Aap musalsal khud ko kinare par mehsoos karte hain

Aam tor par jab kisi company ko bohat saaray masail ka saamna karna parta hai aur kaam ki jagah ka mahol dabao ka shikaar bantaa hai to is ke mulazmeen ko bhi zehni tanao ka saamna karna parta hai.Is se mulazmeen ko istifa dainay ka ishara mil sakta hai kyunkay is terhan ke ghair mustahkam mahol mulazmeen ki mayoosi ka sabab ban satke hain.  

Yeh mulazmat aap ke liye nahi hai

Farz karen ke aap bohat achay programme hain lekin mulazmat aap quality control ki kar rahay hain to yeh aap ki pedawari salahiyaton par manfi asraat muratab kere gi.Aksar afraad aisi mulaazmaten qubool kar lete hain jo un ki manzil nahi hotain.Baad mein inhen pachtaawa hota hai ke un ki mulazmat un ke mizaaj ke mutabiq nahi hai.

Aap achay mawaqay ganwaa rahay hain

Baaz auqaat mulazmeen ko lagta hai ke woh mojooda mulazmat par rehtay hue kayi achay mawaqay ganwaa rahay hain aur yahan sirf waqt barbaad kar rahay hain to inhen chahiye ke foran behtareen aur apne mizaaj se mutabqat rakhti mulazmat ki talaash shuru kar dein.Basorat deegar aisa fard nah to apni mulazmat mein dilchaspi rakhta hai aur is ki pedawari salahiyat bhi bohat buri hoti hai.

Jab company ke tor tareeqay badalny lagen

Jab companiyon ko maali bohraan ka saamna hota hai un ke tor tareeqay badalny lagtay hin.Misaal ke tor par achanak lachak dar kaam ka mamool bohat sakht ho jata hai ya maali aur ghair maliyati fawaid khatam ho jatay hain.Yeh bhi is janib ishara ho sakta hai ke aap kahin aur mulazmat talaash kar lein.

Reactions

Post a Comment

0 Comments