Duniya ke 5 aisay herat angaiz darakht (Trees) jin ke baray mein aap ne kabhi nahi suna hoga.

 

Aaj hum aap ko duniya ke 5 aisay darakhton ke baray mein bitanay jarahay hain jin ke baray mein sun kar aap heran reh jayen ge, yeh darakht un aam darakhton ki terhan nahi jo hamaray ird gird mojood hotay hain balkay yeh qudrat ki aisi herat angaiz takhleeq hain jo dekhnay walon ko herat mein mubtala kardete hain. Yeh darakht is qader khobsorat ya ajeeb o ghareeb bhi hotay hain ke inhen dekhnay sayaho ki barray tadaad un ki janib rukh karti hai sath hi yeh tareekhi ahmiyat ke haamil bhi hain. Aayiyae jantay hain yeh kon se darakht hain aur kahan paye jatay hain.

Rainbow Eucalyptus

jab log qudrat ke is herat angaiz shahkaar ko dekhte hain to inhen apni aankhon par yaqeen nahi aata, is darakht mein qous qaza ke rang is terhan bikhare nazar atay hain jaisay kisi ne be had mahaarat ke sath mukhtalif khobsorat rangon se naqsh kya ho. Mahireen ke mutabiq yeh darakht apni barhti amrke sath mukhtalif rang badalta hai, is darakht mein hara, neela, naranji, bingni aur deegar rang paye jatay hain, yeh khobsorat darakht philippine, Indonesia aur papua new guinea mai paye jatay hain.

Boab Prison Tree

Is motay tanay ke darakht ko 1890 mein bator jail istemaal kya jata tha yeh darakht taqreeban pandrah so saal purana hai. Is ki choraai chodan meter hai yahi wajah hai ke usay maazi mein qaidyoun ko qaid karne ke liye jail ki soorat mein istemaal kya gaya, is herat angaiz darakht ko dekhnay daur daraaz se sayah yahan ka rukh karte hain, yahan ke muqami log is darakht ki ibadat bhi karte hain. Yeh herat angaiz aur tareekhi darakht maghribi Australia mein waqay hai.

Wawona Tunnel Tree

Yeh lamba tareen darakht America ki riyasat California ke national park mein waqay hai, 1881 mein is darakht ko aik bohat barri aur lambi surang mein tabdeel kya gaya jis ki wajah se yeh sayaho ki tawajah ka markaz bana, is ki lambai 69 meter jabkay choraai 7. 9 meter hai. Yeh 2300 saal purana darakht hai bad qismati se 1969 mein shadeed barf baari ke baais is darakht ko nuqsaan pouncha magar aaj bhi yeh darakht apni munfarid misaal hai.

Sculpted Trees

Yeh aisay darakht hain jin ko jaisi chahain waisi shakal day kar banaya ja sakta hai, darasal yeh aik aisa art hai jis mein mazboot darakhton ko mukhtalif shakal mein dhaal kar rehne ke qabil banaya jata hai. Is ke liye darakhton ko laganay ke baad is mazbooti se bandh diya jata hai ke usay jaisi shakal mein barhana chahain yeh wohi shakal ikhtiyar kere ga axel erlandson ko is art ka maahir qarar diya gaya jo ke un darakhton ko be had dilkash aur heran kin cheezon ki shakal mein dhaalne ke maahir thay, yeh darakht munfarid honay ke sath sath bohat mehangay bhi hotay hain.

Chapel Oak Tree

Yeh koi darakht hai ya girja? aap khud hi muntakhib karen ke usay kya samjha jaye yeh khobsorat aur qadeem darakht aath so se baara so saal purana hai. France mein mojood yeh darakht pandrah meter lamba jabkay solah meter chaura hai. Is ke oopar ke hissay tak jane ke liye seedhiyan bhi banai gayi hain, is herat angaiz darakht ke andar 1696 mein do girja ghar bhi banaye gaye jinhein" our lady of peace" aur" hermit' s room" ke naam se jana jata hai jo ke ab bhi istemaal kiye jatay hin. Albata saloon pehlay yeh darakht yahan lagnay wali aik aag ki lapait mein agaya tha magar baad mein is ki murammat kar ke usay phir se pehlay jaisa bana diya gaya.

Reactions

Post a Comment

0 Comments