Kis mulk ke kitney shehri beron mulk abad hain? 2020

 


How many citizens of which country live abroad?


UN (Aqwam Mutahidda) ke mutabiq 2020 tak apne watan se muhajrt (Immigration) ikhtiyar karne walay insanon ki tadaad 272 million ho chuki hai.Mandarja zail report mein dekhieye sab se ziyada mhajrt kis mulk ke shehrion ney ikhtiyar ki. 

1. Bharat

UN (Aqwam Mutahidda) ke adaad o shumaar ke mutabiq rawa baras ke aaghaz tak qareeb 1 crore 80 lack (18 million) Bharti shehri apne mulk ki bajaye beron Mumalik muqeem they.Ziyada tar Bharti tarkin watan America , Canada, Bartania aur khliji mumalik mein hain.2000 mein beron mumalik muqeem Bharti shehrion ki tadaad 8 million thi aur woh aalmi satah par is hawalay se 3rd number par tha. 

2. Mexico

Janoobi Amrici mulk Mexico 1 crore 30 laakh beron mumalik muqeem shehrion ke sath mhajrt ki aalmi darjaa bandi mein dosray number par hai.Beron mumalik muqeem Mexico ke shehrion ki 90% tadaad America mein muqeem hai.1990 mein 4.4 million aur 2000 mein 12.4 million Mexican bashinday beron mumalik muqeem they. 


3. Chin

Cheeni shehrion mein bhi tark watan ke rujhan mein izafah hwa hai aur Decemeber 2019 tak 1 crore 10 lack (11 million) se zayed beron mumalik muqeem shehrion ke sath mhajrt ki aalmi daraja bandi mein chin teesray number par hai.Cheeni tarikeen watan ki barri tadaad America , Canada, Japan aur Australia mein abad hai.1990 mein beron mumalik muqeem cheeni shehrion ki tadaad 44 lak thi. 

4. Russia

4th number par Roos hai jis ke 1 crore (10.5 million) se zayed shehri bhi apne watan ki bajaye dosray mumalik mein abad hain.Roosi tarikeen watan Germany , America aur Europi mumalik ke ilawa sabiq Doviet reyaston mein muqeem hain. Aqwam mutahidda ke adaad o shumaar ke mutabiq 2000 mein roos is fehrist mein pehlay number par tha aur is waqt is ke qareeb 11 million shehri beron mumalik muqeem they. 

5. Sham (Syria)

kKhana jungi ke shikaar mulk shaam ke 80 laak shehri dosray mumalik mein rehne par majaboor hain.Shaam 1990 mein is aalmi daraja bandi mein 26 number par tha taham 2011 mein Shami khanah jungi ke aaghaz ke baad lakhoon shehri hijrat par majaboor hue.Shami muhajreen ki aksariyat Turkey, Urdan aur Lebanon jaisay parosi mulkon mein hai taham Germany samait kayi deegar Europi mumalik mein bhi Shami shehrion ki barri tadaad mojood hai. 

6. Bangladesh

Janoobi Asia (South Asia) mulk Bangladesh Aqwam Mutahidda ki tayyar kardah is fehrist mein 6th number par hai.Taaza adaad o shumaar ke mutabiq qareeb 80 laak Bangali shehri dosray mumalik mein muqeem hain.Bangali shehri Bharat aur Pakistan mein bhi mojood hain lekin America , Bartania aur Khaliji Mumalik ka rukh karne walay Bangladeshi shehrion ki tadaad bhi barhi hai.

7. Pakistan

70 laak se zayed Beron mulk muqeem shehrion ke sath Pakistan is fehrist mein 7th number par hai.Ziyada tar Pakistani Khaleeji Mumalik, Bartania aur America mein mojood hain.1990 mein 34 laak jab ke 2005 ke ekhtataam tak 39 laak Pakistani shehri beron mumalik abad thay.Taham 2007 ke baad se Pakistani shehrion mein dosray mumalik ka rukh karne ke rujhan mein numaya izafah hwa. 

8. Ukraine

Soviet Union ke khatmay ke baad 90 ki dahai mein Ukraine is aalmi daraja bandi mein 5th number par tha.Baad azan Ukraine bashindon ki mhajrt ke rujhan mein batadreej kami ho rahi thi.Taham Russia aur Ukraine ke mabain haliya kasheedgi ke baad is rujhan mein aik martaba phir izafah hwa hai.Is baras ke aaghaz tak 6 million Ukraine shehri beron mumalik abad they.

9. Philippine

57 laak se zayed beron mumalik muqeem shehrion ke sath Philippine is darjah bandi mein 9th number par hai.2000 mein apne watan se bahar abad Philippine shehrion ki tadaad 30 laak thi.Guzashta 17 barson ke douran ziyada tar Philippine bashindon nay America ka rukh kya.

10. Afghanistan

Afghanistan 50 laak beron mumalik muqeem shehrion ke sath is aalmi daraja bandi mein 10th number par hai.1990 mein Afghanistan is fehrist mein 7th number par tha aur is ke 6.7 million shehri Pakistan , Iran aur deegar mumalik mein muqeem thay.Taham sun 1995 tak 22 laak se zayed Afghan shehri watan wapas lout gaye thay.


Reactions

Post a Comment

0 Comments