Mulazmat ke sath apne kaarobar ka aaghaz kaisay karen? Urdu,Hindi

 

Start Own Business,Job 2020,Busses Idea
Start Own Business



How to start your own business with your job?

Ajj kal bohat se Mulazmat Pesha nojawan "Apna Kaarobar"karne ki koshish mein masroof hain. Un ka bas nahi chalta ke apni mojooda job ko chore kar"Apne Passion Wala"apna kaarobar shuru karlen.Isi wajah se woh "Jahan un ki apni marzi chalay, khud hi boss hon, jab dil kya kaam par gay, jab marzi hui ghar aagaye waghera" jaisay dil moh lainay walay sapnay woh roz dekhte hain.

To janab! woh nojawan jo apne kaarobar ka aaghaz karna chahtay hain un ke liye mere apne mshahdat, tajarbaat aur dosray logon par reserch par mabni darj zail chand amli mashwaray haazir khidmat hain.Agar dil manay to un par zaroor amal kijiyej ga. 

1. Aap is waqt jo bhi mulazmat kar rahay hain is ko bekar ya waqt ka zeyaa mat samjhiye.Shukar kijiyej ke aap kisi rozgaar par mojood hain.Kyunkay mojooda mulazmat se haasil kardah tajurbah poori zindagi aap ke kaam anay wala hai. 

2. Ab agar aap kaarobar ka iradah rakhtay hain to pehlay apni mojooda job se milta julta hi kaarobar karne ka sochiye, nah ke kisi bilkul naye shobay mein qismat aazmai ka. Jaisay kisi school mein kaam karte hain to apni academy ya school mein istemaal honay wali ashya ka kaarobar,ya phir mojooda job mein istemaal honay walay deegar kamon ka.

3. Shuru mein pehlay seekhnay ki gharz se kisi karobari bande ke sath mil kar, Sleeping partners ya Part time ke tor par kaarobar mein hissa lijiye.Fori tor par apni mulazmat kabhi mat chhorhiye, balkay mojooda mulazmat ki net working ko kaarobar ka aaghaz karne mein istemaal mein layiyae. 

4. Abhi seekhnay ke marahil mein kabhi bhi ziyada Investment ke sath daakhil mat hon.Side par reh kar karobari izsrar o Ramooz ko dekhye aur samaghiye.Fori aur ziyada Munafe (Profit) ki lalach mein nah parre.

5. Zaroorat parney par apne naye kaarobar mein apne bajaye kisi Bhai, Rishte daar ya kisi mulazim ko ujrat par rakhen. Apni mulazmat ki qurbani abhi mat dijiye.Apne andar shukar guzari ki kefiyat peda karte khusi mehsoos kijiyej ke mulazmat ke sath aap koi kaarobar bhi set karne jarahay hain.jis ko mustaqbil qareeb mein aap mukammal tor par apna saken ge.

6. Apni mojooda mulazmat aur naye kaarobar ke darmain aik tawazun peda kijiyej.Kaarobar mein kisi maslay ko mulazmat par assar andaaz mat honay dijiye.Apne zehan mein yeh baat rakhiye ke aap kaarobar ko seekhnay ke marhalay mein hain. 

7. Jab aap ka naya kaarobar taraqqi karne lagey aur aap ko haqeeqi tor par lagey ke ab kaarobar ko aap ka mukammal waqt darkaar hai tab achay tareeqay o rawayya se mojooda mulazmat ko kher baad kahye, nah ke Afratafri mein taluqaat ko bgarhte hue.

Todostoo yeh kuch aisi bunyadi batein hain jin par mulazmat ke sath kaarobar shuru karte waqt dheyaan dena, aap ko bohat faida day sakta hai.Yaad rakhiye ke apna kaarobar set karna mulazmat karne se ziyada mushkil hota hai.Jab marzi, jab dil kya, khud apne Boss waghera jaisi ghair haqeeqi baton se khud ko daur rakhiye .Agar aap sanjeedgi ke sath, apni anaa aur jazbaat ko sayid par rakhtay aur sabro karte hue mojooda mulazmat ke sath kaarobar ka aaghaz karen ge to kuch hi saal mein mukammal karobari shakhsiyat ban satke hain .


Reactions

Post a Comment

0 Comments